Rev 20 | AAI | STEP | Naatu ayu marane tounamatar umanamaim efan wanu’umin ana tufatan naatu ana chain bitan auman botan renan aitin.

a 20.1 Rev 9.1

b 20.2Gen 3.1; Rev 12.9

c 20.4Dan 7.9, 22, 27; 1Cor 6.2; Rev 13.17

d 20.6 Rev 1.6

e 20.8Ezk 38.2, 9, 15-16

f 20.92Ki 1.10

g 20.10Psa 11.6; Rev 19.20; 21.8

h 20.12Dan 7.9-10; Mat 25.31-46; Act 17.31; 2Cor 5.10; Rev 13.8

i 20.13 Rom 2.6; 1Pet 1.17; Rev 2.23; 22.12

Revelation of John 20

Kwamur EteiThousand Na’atube.

1 ^aNaatu ayu marane tounamatar umanamaim efan wanu’umin ana tufatan naatu anachainbitan auman botan renan aitin. 2 ^bFarubarubar bai rab, kik owe’owen ana kok, wabin Demon o Satan naatu fatum kwamurone thousand na’atube nama. 3 Ta’asiy sou wanu’umin wanawanan ra’iy etawan tufabon naatu ikwah, saise i boro men tafaram ni’afiy maiye kwamurone thousand nasawarabo. Nati ufunamaim i boro hinabotait mar kabumin nama.”

4 ^c“Ayu urama’ama tafanamaim sabuw iyabowat baibatiyen isan ana fair hibitih himarir hima’am aitih. Naatu sabuw Jesu isan hio’orereb isan sikah hi’a’afuw naatu God ana tur isan sikah hi’a’afuw etei ayubih hima’am aitih. Iti sabuw i men kafa’imo sawaidab naatu i ana yumatabe hikwafirihimih, naatu ana ewow auman umahimaim o nakwetahimaim men hikirumimih. Etei hiyawas naatu Keriso bairi kwamurone thousand na’atube hi’aiwob. 5 Murumurubih afa men hiyawas na’atuka hima kwamurone thousand in sawar. Iti i murumurubih hai misir wantoro’ot. 6 ^dYasisir naatu baigegewasin i sabuw iyabowat wantoro’ot morobone himimisir maiye isah. Morob bairou’abin i isah i aurin fair en, baise i boro God ana firis naatu Keriso ana firis hinamatar Keriso bairi hini’aiwob kwamurone thousand nab.”

Satan Ana Ra’iy

7 Kwamur eteione thousand nasasawar ufunamaim, Satan boro i ana dibur barene hinabotait. 8 ^enaatu natit nan tafaram Gog naatu Magog ana huhun kwafe’en sabuw etei nifufuwih narunawiyih baiyow isan, naatu nati sabuw baiyow isan hinaruru’ay ana itinin riy sisibin dones na’atube. 9 ^fNaatu me yabarin yan tasasar hitit hiremor hin God ana sabuw hai ma’ama sis naatu God ana yabow bar merar etei hi’ar bebera’uhih, baise marane wairaf ra’iy na bo’ara’ara’ahih. 10 ^gNaatu Demon mowan bifufuwih hibai hita’asiy wairaf in bitakir wanawanan ra’iy eafufur, sawaidab naatu dinab baifuwenayan hairi hita’asiyih hire’ere’emaim. Nati’imaim boro fai mar hini’akir wanatowan, wanatowan.

Murumurubih Hai Baibabatiyen

11 Imaibo ayu ura ma’ama kwes gagamin tafanamaim God ma’am aitin. Mar tafaram i nanamaim earouwasa’ir, naatu nati’imaim i aurih efan en. 12 ^hNaatu ayu sabuw murumurubih aitih, gagamin re in kikimin ura ma’ama nanamaim hibatabat, naatu buk etei hibotawiyen. Buk ta hibobotawiy i yawas ana buk. Murumurubih abisa hisinaf bukamaim hikirum hi’inu’in imaim hibabatiyih. 13 ⁱRiy wanawanan murubih kwahiren, naatu morob naatu morob ana efan, murumurubih hikwahirih. Naatu orot ta’ita’imon hai sinafumaim hibabatiyih. 14 Imaibo murumurubih naatu murubih hai efan i hita’asiyih wairaf ana kukuf wanawanan hira’iy, iti wairaf i morob bairou’abin. 15 Yait ta wabin men yawas ana bukamaim hititita’ur i hita’asiy wairaf ana kukuf wanawananan rara’iy.